Akrilik sopolimer emulsiya əsaslı, yüksək keyfiyyətli xarici divar boyasıdır.

Bu boyadan: binaların xarici hissələrində beton, gips, kərpic və digər köhnə və yeni səthlərdə istifadə olunur.

• istifadə olunduğu səthə mükəmməl şəkildə yapışır;
• çatlamır və qopmur;
• yağışa, nəmə və günəş şüalarının təsirinə davamlıdır;
• dəniz sahillərindəki tikililərdə duzlu suların mənfi təsiriərinə qarşı dözümlüdür;
• rəngi solmur.

Səthin hazırlanması. ROKOL Akrili istifadə etməmişdən əvvəl səth yapışmağa mane olan yağ, toz, qum və digər qalıqlardan tamamilə təmiziənməlidir. Yeni suvanmış səthlərdə 21 gündən (+20°C temperaturda) sonra tətbiq edilməlidir. ROKOL Akril divar boyası səth BİNMADER astar və ya standartlara uyğun istehsal edilmiş digər bu tipli məhsulla astarlandıqdan sonra istifadə olunmalıdır.

Tətbiqi. İstifadə zamanı ilk qatda boyanın yarısı qədər, ikinci qatda isə 1/4-i qədər su ilə incəldərək (durulaşdıraraq) fırça və ya vərdənə ilə səthə 2 qat vurun. Qatlar arasında 1 saat gözləyin. İstifadə zamanı səthin temperaturu +5°C-dən yuxarı, mühitin rütubəti isə 80%-dən aşağı olmalıdır.

1 litr boya ilə 11-13 m2 səthi boyamaq olar.

Birbaşa günəş şüaları düşməyən yerlərdə, 0°C-dən aşağı və +35°C-dən yuxarı olmayan mühitlərdə, donmadan qorumaqla, orijinal qablarda, ağzı qapalı şəraitdə 2 il saxlanıla bilər.

• oddan qoruyun;
• boya buxarının nəfəsə daxil olmaması üçün müvafiq fərdi mühafizə vasitələrindən istifadə edin;
• uşaqların əli çatmayan yerlərdə saxlayın;
• gözə və dəri üzərinə düşməsinin qarşısını alın.

• texniki göstəricilərdə qeyd edilmiş məlumatlar elmi və təcrübi biliklərə əsaslanır;
• “Mətanət A" şirkəti məhsulun keyfiyyətinə və təhlükəsizliyinə görə məsuliyyət daşıyır;
• şirkətin mütəxəssislərinin rəhbərliyi altında görülən işlər istisna olmaqla, digər istifadəçilər tərəfindən təlimatdan kənar istifadə halları zamanı yarana biləcək problemlərə görə “Mətanət A" şirkəti məsuliyyət daşımır;
• şirkət elmi-texniki inkişafla bağlı məhsulda dəyişiklik etmə hüququnu özündə saxlayır;
• texniki dəstək və ya daha geniş məlumat almaq üçün “Mətanət A” şirkətinə müraciət edin!