BENAFTON naften turşularının distilliyasiyasından sonra yaranan qalıq olub, suda həllolmayan, yağaoxşar, şabalıdı rəngli mayedir. Tərkibində 95%-ə qədər naften turşuları mövcuddur.

Bu məhsuldan:

• üyüdülmə prosesini intensivləşdirmək və onlardan hazırlanmış quru qarışıqların hidrofobluğunu artırmaq məqsədilə klinkerin və mineral doldurucuların həm ayrı-ayrılıqda, həm də digər səthi aktiv maddələrlə kompleks şəkildə üyüdülməsində istifadə olunur.

• gips və sement əsaslı quru qarışıqların fiziki-mexaniki xassələrini, o cümlədən uzunömürlülüyünü artırır.

Tətbiqi. Benafton qatqısını dəqiqləşdirilmiş (elektron) tərəzi ilə çəkdikdən sonra istifadə edin. Tövsiyə olunan miqdarda qatqını klinker, əhəngdaşı, gips dəyirmanının I və ya II bölümündə sistemə, ya da birbaşa klinkeri, əhəngdaşı və gipsi sistemə aparan transportyorun üzərinə damcılatmaqla istifadə edin.

Üyüdülən xammalın (əhəngdaşı, gips, klinker) kütləsinin 0,2-0,6 %-i qədər istifadə olunur.

Ağzı açılmamış qablarda quru şəraitdə 12 ay saxlanıla bilər.

• istifadə zamanı işin və işçinin təhlükəsizliyi qaydalarına riayət olunmaqla, müvafiq iş paltarı, qoruyucu əlcək, eynək və maskadan istifadə edin;
• məhsulun allergiya və qaşınma kimi təsirlərini nəzərə alaraq, komponentlərin dəriyə və gözə təmas etməməsinə diqqət edin, dəriyə və gözə düşərsə dərhal çoxlu miqdarda su və sabunla yuyun;
• əgər məhsulun udulması halı baş verərsə, dərhal həkimə müraciət edin;
• istifadə edildiyi yerlərə ərzaq məhsulları qoymayın;
• uşaqların əli çatmayan yerlərdə saxlayın.

• texniki göstəricilərdə qeyd edilmiş məlumatlar elmi və təcrübi biliklərə əsaslanır;
• “Mətanət A" şirkəti məhsulun keyfiyyətinə və təhlükəsizliyinə görə məsuliyyət daşıyır;
• şirkətin mütəxəssislərinin rəhbərliyi altında görülən işlər istisna olmaqla, digər istifadəçilər tərəfindən təlimatdan kənar istifadə halları zamanı yarana biləcək problemlərə görə “Mətanət A" şirkəti məsuliyyət daşımır;
• şirkət elmi-texniki inkişafla bağlı məhsulda dəyişiklik etmə hüququnu özündə saxlayır;
• texniki dəstək və ya daha geniş məlumat almaq üçün “Mətanət A” şirkətinə müraciət edin!