Penoflex 8 sement əsaslı və lif tərkibli olub, modifikasiyalı polimerləşdirilmiş istilik izolyasiya lövhələrinin suvanmasında istifadə olunan suvaq məhsuludur. AZS 039 -2000 (TS 11140 -1993) “Yapışdırıcılar- sement əsaslı (hidravlik bağlayıcılı) kafel, keramika və döşəmə plitələri üçün” standartın tələblərinə uyğundur.

Bu məhsuldan:

• mantolama işlərində istilik izolyasiya lövhələrinin suvanmasında;
• dəmir-beton səthlərə boya vurulmamışdan öncə səthin suvanmasında istifadə olunur.

• mükəmməl yapışma qabiliyyətinə malikdir;
• lif tərkibli olduğu üçün suvanmış səthdə çat əmələgəlmə ehtimalını minimuma endirir;
• rahat hazırlanır və tətbiq olunur;
• istifadə müddəti uzundur;
• üzərinə birbaşa boya çəkilə bilər;
• şaxtaya və istiliyə davamlıdır.

Səthin hazırlanması. Penoflex 8 suvağının istifadə olunması üçün istilik izolyasiya lövhələrinin səthə normal qaydada yapışdırılması və dubellənməsi vacibdir. Lövhələr küləyin təsirindən və digər təsirlərdən tərpənməməlidir.

Qarışığın hazırlanması. 20 kq quru qarışığı yavaş-yavaş təmiz bir qaba 4,6 litr suyun üzərinə boşaldın və kürəciklər yox olana qədər 3-5 dəqiqə qarışdırın. Qarışığın özünü tutması üçün 3-5 dəqiqə gözləyin və yenidən 30 saniyə qarışdırdıqdan sonra məhsulu istifadəyə hazır vəziyyətə gətirin.

Tətbiqi. Penoflex 5 ilə yapışdırılmış və dubellənmiş istilik izolyasiya lövhələrinin səthinə bir qat Penoflex 8 çəkin. Sonra sıva filesini (tor) birinci qata otuzdurun. Ardınca ikinci qat Penoflex 8 suvağını səthə çəkin. Penoflex 8 tələb olunan bərkliyə çatdıqdan sonra üzərinə qoruyucu fasad boyası çəkilə bilər.

Tövsiyələr. Yapışdırıcının istifadə olunduğu mühitin temperaturu +50C-dən aşağı və ya +300C–dən yuxarıdırsa, lazımi temperatur təmin olunmalıdır. İsti, yağışlı və küləkli havalarda məhsuldan istifadə olunmamalıdır. Xarici məkanlarda istilik izolyasiya lövhələri ilə örtülmüş səth 24 saat günəş şualarından, küləkdən və yağışdan qorunmalıdır. Qurumağa başlamış qarışığa qətiyyən su və yeni məhsul əlavə olunmamalıdır.

Penoflex 8 suvaq məhsulunun sərfiyyatı 3 mm qalınlıq üçün 4,5 kq/m 2-dır. 20 kq-lıq Penoflex 8 suvaq məhsulu ilə təxminən 4,0-4,5 m2 səthi suvamaq mümkündür.

Açılmamış kisələrdə, quru şəraitdə, taxta altlıqlar üzərində maksimium 10 ədəd olmaqla 12 ay müddətində saxlanıla bilər.

• Penoflex 8 suvaq məhsulunun mürəkkəb tərkibli qarışıq olduğunu nəzərə alaraq dəriyə və ya gözə düşdükdə dərhal su ilə yuyun;
• istifadə qaydalarında qeyd edilməyən heç bir maddə qatmayın;
• yuxarıdakı göstəricilər +230C±20C temperatur və 50% +5% rütubətli şəraitdə aparılan sınaqlar nəticəsində əldə olunmuşdur. Şəraitdən asılı olaraq bu göstəricilər dəyişə bilər.

• texniki göstəricilərdə qeyd edilmiş məlumatlar elmi və təcrübi biliklərə əsaslanır;
• “Mətanət A" şirkəti məhsulun keyfiyyətinə və təhlükəsizliyinə görə məsuliyyət daşıyır;
• şirkətin mütəxəssislərinin rəhbərliyi altında görülən işlər istisna olmaqla, digər istifadəçilər tərəfindən təlimatdan kənar istifadə halları zamanı yarana biləcək problemlərə görə “Mətanət A" şirkəti məsuliyyət daşımır;
• şirkət elmi-texniki inkişafla bağlı məhsulda dəyişiklik etmə hüququnu özündə saxlayır;
• texniki dəstək və ya daha geniş məlumat almaq üçün “Mətanət A” şirkətinə müraciət edin!