Penoflex 5 yapışdırıcısı sement əsaslı, modifikasiyalı polimerləşdirilmiş, istilik izolyasiya lövhələrinin yapışdırılmasında istifadə olunan məhsuldur. AZS 039 -2000 (TS 11140 -1993) “Yapışdırıcılar- sement əsaslı (hidravlik bağlayıcılı) kafel, keramika və döşəmə plitələri üçün” standartın tələblərinə uyğundur.

Bu məhsuldan:

• montalama işlərində istilik izolyasiya lövhələrinin yapışdırılmasında istifadə olunur.

• mükəmməl yapışma qabiliyyətinə malikdir;
• rahat hazırlanır və tətbiq olunur;
• şaxtaya və istiliyə davamlıdır.

Səthin hazırlanması. Məhsulun istifadə olunacağı səthlərin sağlam, quru, tozsuz, təmiz və eyni zamanda düz olmasına diqqət etməli, səth yapışma muqavimətini zəiflədən hər cür yağ, pas və parafin qalıqlarlndan tamamilə təmizlənməli və səthdə əlavə qırıntılar qalmamalıdır. Səthdə 5 və ya 20 mm dərinliyində çatlar olarsa, 2 gün öncədən Filkret təmir qarışığı və ya standartlara uyğun istehsal edilmiş bu tipli məhsul ilə təmir edilməlidir. İstifadə olunacaq səthin temperaturu 250C-dən yuxarıdırsa, səth nəmləndirilməlidir.

Qarışığın hazırlanması. 25 kq quru qarışığı yavaş-yavaş təmiz bir qaba 6,0-6,5 litr suyun üzərinə boşaldın və kürəciklər yox olana qədər 3-5 dəqiqə qarışdırın. Qarışığın özünü tutması üçün 3-5 dəqiqə gözləyin və yenidən 30 saniyə qarışdırdıqdan sonra məhsulu istifadəyə hazır vəziyyətə gətirin.

Tətbiqi. Penoflex 5 yapışdırıcısını istilik izolyasiya lövhələrinin kənarlarına xətt şəklində, orta hissəsinə isə dairə şəklində suvaq malası ilə çəkin. İstilik izolyasiya lövhələrini səthə yapışdırarkən istənilən səviyyə və bərabərlik yaranan kimi yerlərinə otuzdurun. Penoflex 5 yapışdırıcısı bərkidikdən sonra istilik izolyasiya lövhələrini uyğun səthə mexaniki olaraq dubellə (mismarla) bərkidin. İstilik izolyasiya lövhələri səthə yapışdırılan zaman lövhələrin səthindəki yapışdırıcının quruyaraq qabıqlaşmasına yol verilməməlidir.

Tövsiyələr. Istilik izolyasiya lövhələri Penoflex 5 yapışdırıcısı ilə divara yapışdırıldıqdan sonra mutləq səthə uyğun dubellə (mismarla) bərkidilməlidir. Yapışdırıcının istifadə olunacağı mühitin temperaturu +50C–dən aşağı və ya +30 0C–dən yuxarıdırsa, lazımi temperatur təmin olunmalıdır. İsti, yağışlı və küləkli havalarda məhsuldan istifadə olunmamalıdır. Xarici məkanlarda istilik izolyasiya lövhələri ilə örtülmüş səth 24 saat günəş şualarından, küləkdən və yağışdan qorunmalıdır. İstifadə müddəti keçmiş qarışığa qətiyyən su və yeni məhsul əlavə olunmamalıdır.

Penoflex 5 yapışdırıcısının sərfiyyatı 3 mm qalınlıq üçün 4 kq/m2-dir. 25 kq-lıq Penoflex 5 yapışdırıcısı ilə təxminən 6,0-6,5 m2 səthə istilik izolyasiya lövhələri yapışdırıla bilər.

Açılmamış kisələrdə, quru şəraitdə, taxta altlıqlar üzərində maksimium 10 ədəd olmaqla 12 ay müddətində saxlanıla bilər.

• Penoflex 5 yapışdırıcısının mürəkkəb tərkibli qarışıq olduğunu nəzərə alaraq dəriyə və ya gözə düşdükdə dərhal su ilə yuyun;
• istifadə qaydalarında qeyd edilməyən heç bir maddə qatmayın;
• yuxarıdakı göstəricilər +230C±20C temperatur və 50% +5% rütubətli şəraitdə aparılan sınaqlar nəticəsində əldə olunmuşdur. Şəraitdən asılı olaraq bu göstəricilər dəyişə bilər.

• texniki göstəricilərdə qeyd edilmiş məlumatlar elmi və təcrübi biliklərə əsaslanır;
• “Mətanət A" şirkəti məhsulun keyfiyyətinə və təhlükəsizliyinə görə məsuliyyət daşıyır;
• şirkətin mütəxəssislərinin rəhbərliyi altında görülən işlər istisna olmaqla, digər istifadəçilər tərəfindən təlimatdan kənar istifadə halları zamanı yarana biləcək problemlərə görə “Mətanət A" şirkəti məsuliyyət daşımır;
• şirkət elmi-texniki inkişafla bağlı məhsulda dəyişiklik etmə hüququnu özündə saxlayır;
• texniki dəstək və ya daha geniş məlumat almaq üçün “Mətanət A” şirkətinə müraciət edin!